Guia pa mucha
General
Guia ta apto pa tur mucha ku mester di èkstra guia òf struktura. No ta nesesario pa trese un diagnostiko pa risibí ayudo tanten ku tin un petishon komprensivo di ayudo. Durante di guia ta pone hopi atenshon na struktura, planiamentu, klaridat i prediktibilidat. Nos ta speshalisá den outismo, pero e método aki ta traha bon tambe pa muchanan ku, entre otro, ADHD, problema di siña òf muchanan ku nesesidat di klaridat òf ku ta altamente sensitivo. Lo adaptá guia mas tantu posible riba e nesesidatnan di e mucha.
Guia individual
Nos por duna guia individual na e mucha, mayornan i dosente. E guia por brinda ayudo pa entre otro engrandá e sentido di independensha, siña anda ku i trese struktura i klaridat, guia di dyslexia, guia di tarea di kas, guia na skol, hasi e tópiko di gaming un kòmbersashon, regulashon emoshonal i psiko-edukashon. E lokalidat di e guia ta dependé di e metanan ku e yu tin. E lokalidat por ta na kas, na e lokalidat di fundashon huntu pa e yu òf unda e guia ta nesesario. Pa kada individual nos ta ofrese un trajekto adekuá mirando ku nos ta adaptá tur guia na e nesesidat di kada persona.
Pa mas informashon tokante di guia di dyslexia klek aki òf gaming klek aki.
Guia pa famia
Si tin un mucha den un famia ku ta rekeri èkstra atenshon, esaki tin influensia riba henter e famia. E mucha por bai skol spesial òf haña èkstra guia, pero guia pa e famia tambe por ta agradabel. Mayornan ke e mihó pa e mucha, pero frekuentemente falta e konosementu i abilidatnan pa logra e meta aki satisfaktoriamente. Pa mucha por ta bon si na kas tambe e por haña e struktura i klaridat. Pa mayornan i sobra famia i e yu ta agradabel tambe si bo por komprondé otro mihó. Guia pa famia ta pa henter famia. E guia ta konsisti di interkambio di informashon tokante e problemanan, abilidatnan praktiko, duna struktura i un hende pa skucha bo komo mayor. E guia ta adaptá na e situashon di e famia i e yu.
Guia den grupo
Nos ta ofresé guia den grupo pa e mucha den kombinashon ku guia preprimario òf guia di tarea di skol. Aparte di guia preprimario òf guia di tarea di skol, nos ta traha eventualmente tambe riba siña maneha struktura i klaridat, amplio e independensia, manera sosial, regulashon di emoshon i meta personal. E guia den grupo ta wordu ofresé durante e periodo eskolar di djaluna te ku djabièrne for di 07:30/07:45-12:15/12:30 ora (guia preprimario) i 12:30/13:00 te 17:00/17:30 ora (guia di tarea di skol). Durante e vakashon skol, guia den grupo lo ta ofresé for di 07:30/08:30 te 17:00/17:30 ora. Durante dianan ofishal di fiesta nos ta será.
Pa mas informashon tokante guia preprimario, klek aki.
Pa mas informashon tokante guía di tarea di kas, klek aki.
