Guia edukativo
General
Nos guia di edukashon ta apto pa studiante ku mester di ayudo èkstra na skol òf tarea di skol. Banda di esei nos ta enfoká riba dosentenan ku mester di sostén òf ayudo pa brinda studiantenan ayudo apto. Guia lo ta dirigí mas tantu posibel riba nesesidatnan di e studiante òf profeshonal. Tambe nos ta brinda charla i taller pa profeshonalnan ku ta deseá mas informashon tokante un sierto tópiko.
Guia pa alumno
Tin biaha un alumno mester di ayudo èkstra pa e por funshoná den enseñansa regular. E guia por yuda klarifiká e programa di dia, e reglanan di klas i di skol, kon pa nota e tareanan di skol pa traha na kas, organisashon di artikulonan di skol i traha i siña tareanan na skol òf kas. E guia pa alumno individual por ta na skol, kas of na huntu. E guia pa alumno por ta den grupo tambe den kombinashon ku guia pa tareanan di skol pa kas.
Pa mas informashon tokante di guia pa tarea di kas, klek aki.
Guia pa dosente
Tin biaha un dosente tambe mester di èkstra ayudo òf no tin suficiente konosementu pa brinda un alumno un ayudo apto. Nos ta ofrese siko-edukashon pa dosentenan pa asina nan tin mas konosementu pa por uda un alumno mihó. Tambe nos por ofrese ayudo pa optimalisá un klas, reglanan di klas, programma di dia òf indikashon di tempu. Di e manera aki ta krea un ambiente mas trankil i bon ordena pa e alumno. Nos por aportá na e plan di kuido di un alumno mirando ku nos ta ofrese ayudo na midí. E guia por ta individual pa un dosente òf den grupo pa mas ku un dosente.
Charlanan
Komo profeshonal e ta importante pa keda desaroya bo mes, profundisá i krese den bo konosementu i abilidat. Nos ta brinda charlanan na dosentenan, studiantenan, profeshonalnan den sektor di kuido, mayornan òf otro hendenan ku tin interés den un charla
Temanan ku por bini durante un charla ta:
- Kiko ta trastorno di espektro outista (òf trastornonan similar)?
- Trastorno di espektro outista den edukashon.
- Kon bo ta anda ku un hende ku trastorno di espektor outista.
- Kiko ta dislexia i kon bo por apoyá den esaki .
- Gaming i bida diario .
Si bo tin un tema spesífiko, bo por Semper tuma kontakto ku nos i por diskutí e posibilidatnan.
Taller
Banda di charla nos ta brinda taller na dosentenan, profeshonalnan den e sector di kuido, mayornan òf otro hendenan ku tin interés den un taller. Durante un taller nos ta splika kon bo por apliká e informashon aki den praktika na banda di splika e teoría.
Temanan ku bo por bini durante un taller ta:
- Trastorno di espektro outista i edukashon.
- Trastorno di espektro outista i famia.
- Gaming i bida diario .
Si bo tin un tema spesífiko, bo por Semper tuma kontakto ku nos i por diskutí e posibilidatnan.
