Guia pa dislexia
Bo yu tin difikultat ku lesamentu, ortografia òf dislexia? Ta serka nos bo mester ta.
Pa ken
Guia pa dislexia ta apropiá pa muchanan ku tin un deklarashon di dislexia. Tambe e guia aki ta apropiá pa muchanan ku no tin un deklarashon di dislexia pero ta enfrenta difikultat pa lesa I skirbi e idioma hulandes.
Pa motibu ku muchanan ta siña diferente idioma na Kòrsou, e por trese konfushon pa siña skirbi I lesa un idioma bon. Si bo kompara papiamentu i hulandes ku otro, bo ta mira ku e mesun lèter hopi bia tin un otro zonido. E zonido ku ta mará na un lèter ta otro den diferente idioma. Esaki por trese kuné ku un mucha ta eksperensia difikultat ku lesamentu, skirbimentu òf ortografia. Pa atende ku e problema akí, ta importante pa un mucha siña kua zonido ta mará na kua lèter pa un idioma spesífiko. Nos guiadónan tin konosementu di e konekshon entre lèter i zonido den papiamentu i hulandes i por siña un mucha e diferensianan di mas importante.
Método
Pa e guia pa dislexia nos ta usa e método Taal in Blokjes. E método ta sensomotorisch, kaminda lesa, skirbi i ortografia ta kombiná ku visualisashon di palabra. E mucha ta siña traha palabranan ku blòkinan di kolo, kaminda un kolo ta mará na un zonido. Ta hasi un distinshon entre vokal kortiku, vokal largu, kombinashon di vokal i konsonante. E kolo ta indiká kon bo tinku pronunsia e zonido i e kantidat di blòki ta indiká kuantu lèter bo tinku skirbi. Usando kolo, zonidu ta bira visual i esaki ta yuda siña e reglanan di ortografia. E método ta konsistí di 6. Den e promé sesion nan lo determiná na ki nivel un mucha mester kuminsa i e lo sigui ku e diferente fasenan.
Guia
Despues ku un mucha inskribí pa guia ku su dislexia e lo haña tareanan di lesa, skibi i skucha den e promé dos sesionnan. Tambe e mucha ta sera konosí ku e método. Den un rapòrt lo indiká kon e mucha a traha e tareanan aki i lo determiná kiko ta e nivel ku e tinku kuminsa kuné. Den e sesionnan ku ta sigui, e mucha ta sigui sera konosí ku e método i lo haña e guia nesesario na su nivel. Un session ta dura un ora i ta kuminsa i kaba ku palabrashon tokante e programa pa siman i e tareanan pa hasi na kas. Durante un sesion e mucha lo traha algun tarea programá pa e siman ei ku e guia, i sobrá ta pa e traha na kas. E tareanan ta variá i ta konsistí di entre otro e kombinashon di zonido i lèter, tareanan ouditivo, diktado i reglanan di ortografia. E tareanan por ta riba internet, riba papel òf tareanan ku wega i blòki.
E meta ta pa ofrese e abilidatnan di un forma variá pa e mucha por kòrda nan mas mihó. E mucha por praktika na kas tambe den un programa riba internet ku e guia ta prepará e tareanan pe. Den e programa akí e tekstonan tin kolo i e programma por lesa e teksto pa e mucha. Banda di esaki un mucha por traha den su buki, blachinan di tarea i skibi kuenta. Na final di kada sesion e guia ta raportá kiko e mucha a hasi di forma ku un mayor por lesa esaki den e sistema riba internet.
Tarifa
Esaki ta e diferente tarifa ku nos tin pa kada sesion di 60 minut:
- Na huntu pa e yu: 55 NAf pa kada sesion.
- Na otro lugá na Banda Riba: 60,50 NAf pa sesion.
- Si un sesion ta durante e tempu ku e yu ya ta na e grupo di huntu, tin un deskuento di 45%.
- Un sesion riba djasabra ta kosta 10% mas tantu.
Nos no tin pago di inskripshon òf kontribuson di aña. Bo ke sa mas di nos manera di traha? Traha un sita pa un kombersashon pa sera konosí ku nos grátis pa medio di nos formulario di kontakto òf WhatsApp nos libremente.
